LaLiga ayaa lagu dhaleeceeyay intii lagu jiray kulankii El Clasico ee Axadii ee u dhaxeeyay Barcelona iyo Real Madrid, sababtoo ah ma lahan tignoolajiyada xariiqda goolka, waxaana dib u weeraray madaxweyne Javier Tebas.
Kulankii ka dhacay Bernabeu ayaa ku soo dhammaaday qeebtii hore barbaro 1-1 ah, markaasoo Lamine Yamal uu u maleeyay inuu hogaanka u dhiibay Catalans markii uu kubad koorno katkmid uu ku daray.
Dadaalkiisa ayaa u muuqday inuu ku garaacay goolhaye Andriy Lunin ka hor inta uusan ku guuleysan inuu calaacasha goolka ka fogeeyo.
Si kastaba ha ahaatee, garsooraha ciyaarta ayaa gacan haadiyay, VAR ayaana xaqiijin weyday inay dhab ahaantii ka gudubtay xariiqda.
Horyaalada sida Premier League ayaa hadda haysta farsamada ay ku xallin karaan shilalka noocan oo kale ah ilbiriqsiyo gudahood iyadoo mas’uuliyiintu ay saacadahooda ka heleen calaamad u sheegaysa in uu gool yahay iyo in kale.
Ilaa hadda ma jirto tignoolajiyad noocaas ah horyaalka Spain, iyadoo El Larguero uu sheegay in madaxweynaha La Liga Javier Tebas uusan dooneynin inuu bixiyo ‘£2.6 milyan’.
Taageerayaasha ayaa rumaysan kari waayay in goolka Yamal aan loo dhiibin gool ahaan laakiin Tebas ayaa si deg deg ah u difaacay farsamo la’aanta horyaalkiisa.
Madaxwaynaha LaLiga ayaa soo dhigay maqaalo taxane ah oo ku saabsan waqtiyo ay tignoolajiyada xariiqda goolku ay samaysay khaladaad.