Real Madrid oo hore ka maqnaayeen Eder Militao, Thibaut Courtois iyo Andriy Lunin, laakiin waxaa soo gaaray dharbaaxo kale oo ku aadan safarkii Montjuic oo ay ku wajahayaan Barcelona isbuuca soo socda.
Suurtagalnimada ayaa ah inay sidoo kale waayi doonaan Arda Guler, kaasoo Carlo Ancelotti uu sharaxay inuusan wali taam ahayn, isagoo ku macneeyay inuu sidaas ku ahaan doono 10-14 maalmood gudahood. Waxa uu heli doonaa Nacho Fernandez, kaasoo ganaaxii casaanka ahaa laga dhigay labo kulan, taasoo ka careysiisay Xavi Hernandez. Ancelotti ayaa sidoo kale xaqiijiyay in Dani Ceballos uu seegi doono safarka Sevilla sabtida, haatana The Athletic ayaa ku warameysa inuu sidoo kale seegi doono kulanka El Clasico. Waxa ay sheegeen in dhibaato muruqa ah ay u badan tahay in uu garoomada ka maqnaan doono muddo ku dhow saddex todobaad, isagoo seegaya kulamadii Sevilla, Braga iyo Barcelona. Soo laabashadiisu waxay iman kartaa kulanka Rayo Vallecano ee 5-ta November. Uma badna in ay saameyn weyn ku yeelato qorshaha Carlo Ancelotti. Inkastoo laga yaabo inuu Ceballos isku shaandheyn ku sameeyay kulankii Braga ee Talaadadii, wuxuu leeyahay awood badan oo qoto dheer oo khadka dhexe ah, iyadoo Ceballos uu ku jiro booska ugu hooseeya. Ilaa haatan xilli ciyaareedkan waxa uu ciyaaray kaliya 73 daqiiqo afartii kulan ee uu saftay, dhaawac la’aana waxa ay u badan tahay in uu bannaanka ku jiro oo wax ka raadinayo.