Weeraryahanka Barcelona Raphinha ayaa wajahaya dhaawac muruqa ah ka dib markii uu dhaawac muruqa ah ka soo gaaray kulankii Jimcihii ay ka badiyeen Sevilla, Barcelona ayaa ku dhawaaqday sidaas. Raphinha ayaa soo istaagay ka dib markii uu darbo ku tuuray goolka dhamaadkii qeybtii hore ee ciyaarta, waxaana la arkayay isaga oo haya muruqa midig isagoo tilmaamay inuu u baahan yahay inuu soo baxo. Bayaan ay soo saartay Barcelona ayaa lagu yiri: “Tijaabooyin lagu sameeyay xiddiga kooxda koowaad ee Raphinha ayaa muujinaya in uu dhaawac muruqa ah ka qabo bowdada midig.”
Laacibkii hore ee Leeds ayaa saftay shan kulan oo horyaalka ah iyo hal jeer oo Champions League ah ilaa haatan xilli ciyaareedkan, isagoo dhaliyay labo gool, islamarkaana diiwaan geliyay seddex caawin. Inkastoo Barca aysan wax waqti ah cayimin soo laabashadiisa, haddana wararka ka imaanaya Spain ayaa sheegaya inuu maqnaan doono muddo bil ah, taasoo ka dhigeysa inuu seego kulanka Champions League ee Porto iyo kulanka LaLiga ee ay martida u tahay Granada ka hor fasaxa caalamiga ah. Barca ayaa markaas dib ugu soo laabaneysa garoonka Athletic Bilbao 22-ka October, waxayna wajihi doontaa Shakhtar Donetsk Champions League seddex maalmood ka dib. Raphinha ayaa markaas wajihi kara tartan uu dib ugu soo laabanayo kulanka El Clasico ee ay la ciyaarayaan Real Madrid 28ka October.