Xidigida Manchester United Antony saaiibtiisii hore, Gabriela Cavallin, ayaa aamusnaan ka baxday ka dib markii uu xiddiga reer Brazil ku soo laabtay tababarka Old Trafford.
Antony ayaa ku soo laabtay magaalada Manchester isbuucaan ka dib markii uu ku sugnaa Brazil tan iyo bilowgii Sebtembar – Ciyaaryahanka garabka ka ciyaara ee reer Brazil ayaa horaantii bishaan fasax la siiyay kooxda Premier League si uu ula dagaallamo eedeymaha ay u soo jeedisay saaxiibtii hore ee Cavallin iyo labo dumar ah oo kale laakiin wuxuu ku soo laabtay tababarka isbuucaan. Oo hadda eedaynihiisa iyo saaxiibtii hore ee Cavallin ayaa aamusnaanta jebiyey tan iyo markii uu soo laabtay. War saxaafadeedka ayaa u qornaa sidan: ‘Qareenada Gabrela Cavallin ayaa ku wargeliyay in dambiyada uu galay ciyaaryahanka ay wali baarayaan booliska Manchester iyo sidoo kale Brazilian Plice, waana sababta aan u aaminsanahay in dhawaan loo diri doono Maxkamad, halkaas oo uu ku qasbanaan doono in uu waajaho maxkamada.
“Waxay noo muuqataa wax iska cad in khaladaad la abuuri doono iyada oo la doonayo in kooxdu dib ugu soo celiso tababarka. Antony ayaa wareysi siiyay telefiishanka intii uu ku sugnaa Brazil isaga oo diiday eedeymaha loo soo jeediyey. “Waan ogahay runta wayna soo bixi doontaa,” ayuu yidhi. “Waxaan hubaa boqolkiiba 100 in aanan waligey taaban qof dumar ah, waxaana la imaan doonaa caddaynta. Waxaan hubaa in aanan weligey geysan rabshado jireed.’ Intaa waxaa dheer, Antony ayaa soo saaray bayaan ka dib eedeymaha horaantii Sebtembar, kaas oo u qornaa: ‘Waxaan ku heshiinay Manchester United inaan qaato waqti maqnaansho inta aan ka hadlayo eedeymaha la igu soo eedeeyay.
‘Tani waxay ahayd go’aan labada dhinac ah oo lagaga hortagayo carqaladaynta asxaabtayda iyo muranka aan loo baahnayn ee kooxda. ‘Waxaan rabaa in aan ku celiyo in aan waxba galabsanin waxyaabaha la igu eedeeyay, waxaana si buuxda ula shaqayn doonaa booliiska si aan uga caawiyo in ay runta gaaraan. “Waxaan rajeynayaa inaan ku soo laabto ciyaaraha sida ugu dhaqsaha badan.” Haatan waxa uu ku soo laabtay tababarka laakiin kuma jirin kooxdii United ee guuldaradii 1-0 ka soo gaartay Crystal Palace sabtidii.